Скопјанецот Нури Асан (41), кој е глувонем, заедно со неговата исто така глувонема десетгодишна ќерка Фатима, речиси една година живеат под натстрешник на отворено над чешмичката кај црквата „Света Петка“ во Црниче. Неговата сопруга во моментот е во болница каде што пред неколку дена се породила и денеска ќеркичката треба да си дојде во својот дом - кој го нема.
Семејството Асан животот го тера во импровизирано живеалиште од картон, обложено со најлон. Под отворено небо готват, јадат, спијат. Имаат еден кревет, еден душек на земјата, чинии и прибор за јадење, уредно наместени и покриени. Неговите соседи им дале и креденец, а надвор се гледаат и велосипедот и играчките со кои некогаш си играла неговата ќерка, кои беа завиткани во најлон.
Целата статија може да ја прочитате на веб - страницата на Дневник