Децата чии права се повредени наскоро ќе може да поднесат жалба до Комитетот за правата на детето при ОН, откако Костарика стана 10-та земја што го ратификуваше Факултативниот протокол кон Конвенцијата за правата на детето, кој се однесува на процедурите за комуницирање.

Протоколот кој ќе стапи на сила за три месеци, им овозможува на децата или на нивните претставници да поднесуваат пријави до Комитетот за правата на детето. Комитетот потоа ќе одлучува по пријавените случаи и онаму каде што ќе утврди повреда ќе изрекува соодветни препораки до засегнатите држави за решавање на случаите.

Претседателката на Комитетот, Кирстен Сандберг смета дека Факултативниот протоколот е голем чекор напред во имплементацијата на правата на децата. Исто така, таа ги повикува членките да продолжат да ги развиваат државните системи кои ќе обезбедат почитување и заштита на правата на децата.

Индивидуално или групно, децата ќе може да поднесуваат жалби за одредени повреди на нивните права согласно на Конвенцијата за правата на детето, како и на Факултативниот протокол за децата во вооружени конфликти и Факултативниот протокол за продажба на деца, детска порнографија и детска проституција.

Повеќе информации може да прочитате на следниот линк.