„Репортери без граници силно го осудуваат судското малтретирање на Фокус, една од последните независни публикации во Македонија.

Уште еднаш судот во Скопје го осуди Фокус на несразмерно висока парична казна што, се чини, дека има за цел да предизвика затворање на последниот независен неделник во Македонија“, се вели во реакцијата на оваа меѓународна организација, откако ССНМ ги информираше за последната пресуда за клевета против новинари на неделникот Фокус.

„Ако правдата мора да биде спроведена, и нормално е дека клеветата треба да биде санкционирана со закон, судијата мора да има на ум за што тука станува збор: за правото на јавноста да биде информирана од страна на независни извори на информации, кои се сѐ поретки во земјата. Во овој случај, ваквиот баланс не е почитуван и слободата на печатот повторно ќе страда. На земја рангирана на 116 место во последниот индекс на слободата на светскиот печат, не и треба уште една деградација“, се истакнува во дописот од Репортери без граници.

Извор: ССНМ