Недоволни финансиски средства за превентивна заштита на мајките и децата од ромската заедница, слаба вклученост на децата Роми во процесот на имунизација и недостаток на едукативни активности во ромските средини.
Ова се само дел од проблемите и бариерите со кои се соочуваат припадниците на ромската заедница во пристапот до здравствена заштита.
Здружението „ЕСЕ“ во соработка со граѓанските организации „КХАМ“ од Делчево, Центарот за демократски развој и иницијативи - ЦДРИМ од Шуто Оризари и Здружението на просветни работници и заштита на правата на жените и децата – ЛИЛ од Скопје, подготви кратко видео кое ги третира проблемите и бариерите во процесот на имунизација на децата од ромската заедница.