Погледнете го најновото издание од емисијата „Петтиот ангел“ која се фокусира на прашањата - Како да се допре до сржта на проблемите што ги мачат лицата со попреченост и сето тоа да се спакува во соодветна новинарска сторија, ослободена од патетика и сожалување? и Како да се избегнат стереотипите, предрасудите и несоодветното портретирање, а да се претстават интересите, проблемите и предизвиците на лицата со попреченост и како тие може да придонесат во општеството?
Новинари од различни редакции во земјава се дел од обуката „Во чевлите на другиот“ која од 24 до 26 октомври се одржува во Охрид и има за цел да ги подготви новинарите за нови пристапи во известувањето за лицата со попреченост, притоа вклучувајќи ги основните принципи на инклузивното новинарство.
Институтот за медиуми и различности од Лондон, Македонскиот институт за медиуми и Националниот совет на инвалидските организации на Македонија објавуваат повик за новинари кои сакаат да учествуваат на тридневна обука за известување за теми од интерес на лицата со попреченост. Обуката ќе се одржи од 24 до 26 октомври 2018 година во Охрид.
Преку изведба на краток танцов перформанс „ЛЕМИА“, Институтот за медиуми и различности од Лондон ќе го претстави проектот „Попреченоста е само прашање на перцепција“, во рамки на годинешната конференција „Денови на медиумите на ЕУ и Западен Балкан“, на 17 септември во Скопје.
Проектот „Попреченоста е прашање на перцепција“, го спроведуваат Институтот за медиуми и различности од Лондон, Македонскиот институт за медиуми и Националниот совет на инвалидските организации на Македонија.
Проектот е финансиран од Европската Унија, преку Европскиот инструментот за демократија и човекови права (ЕИДХР).
Оваа веб-страница е изработена со поддршка од Европската Унија. Содржината на оваа веб-страница е одговорност единствено на Институтот за медиуми и различности од Лондон и на никаков начин не ги одразува гледиштата на Европската Унија.
